အဲဒီနေ့က.......

အဲဒီနေ့က သူသာမလာဖြစ်ခဲ့ရင်

အဲဒီနေ့က တစ်ကိုယ်တည်း ၀မ်းနည်းအားငယ်မနေခဲ့ရင်

အဲဒီနေ့က တို့တွေမတွေ့ခဲ့ကြရင်

အဲဒီနေ့က သူ့ကို ယုံကြည်တိုင်တည်အားကိုးစရာလို့ မသတ်မှတ်မိခဲ့ရင်

အဲဒီနေ့က သူ့အကြည့်တစ်ချက်မှာ မနစ်မွန်းခဲ့ရင်

အဲဒီနေ့က မေတ္တာ၊စေတနာတွေ စိတ်ပူပန်ပေးမှုတွေ သူ့မှာမရှိခဲ့ရင်

အဲဒီနေ့က ကိုယ့်မျက်လုံးရဲ့ ရိုးသားမှုတွေကို သူသာသတိမထားမိခဲ့ရင်

အဲဒီနေ့က ၀မ်းနည်းကြေကွဲစွာ စိတ်ဓာတ်တွေအပြိုင်းပြိုင်းမကျခဲ့ရင်

အဲဒီနေ့က ကြင်နာယုယမှုများစွာနှင့် ဖေးမကူတဲ့လက်တစ်စုံရဲ့ ကမ်းလှမ်းချက်မှာ သာယာမနစ်မွန်းမိခဲ့ဘူးဆိုရင် …..

အဲဒီနေ့က ကိုယ့်စိတ်တွေ အမှောင်ဖုံးလွှမ်းမနေခဲ့ဘူးဆိုရင်..

အဲဒီနေ့က နှလုံးသားမှာ မျက်ရည်မိုးတွေ ရွာသွန်းမနေခဲ့ဘူးဆိုရင်…

အဲဒီနေ့က သူရဲ့ မေတ္တာဆိုတဲ့ ထီးကလေးတစ်ချောင်း အုပ်မိုးမနေခဲ့ဘူးဆိုရင်…

အဲဒီနေ့က သိစိတ်နဲ့ မသိစိတ်ရဲ့ လွန်ဆွဲပွဲမှာ ကိုယ့်သိက္ခာတရား၊ ကိုယ်ကျင့်တရား အားလုံး တန်ဆာခံဖြစ်မယ်ဆိုတာ သိခဲ့မိရင်….

အဲဒီနေ့က လောကရဲ့ ထူးခြားဆန်းပြားတဲ့ အဖြစ်အပျက်အားလုံးကို နားလည်မပေးခဲ့မိဘူးဆိုရင်…..

အဲဒီနေ့က ကံကြမ္မာရဲ့ လှည့်ကွက်တွေအလည်မှာ သင်္ခါရတရားကို မဆန့်ကျင်ခဲ့မိဘူးဆိုရင်

အဲဒီနေ့က သူဆောက်ခဲ့တဲ့ နားလည်မှုအိမ်လေးထဲမှာ ၀င်ရောက်နားမခိုမိခဲ့ဘူးဆိုရင်…

အဲဒီနေ့က တိုတောင်းလှတဲ့ လူ့ဘ၀ထဲက အချစ်စစ်ရဲ့ နေ့လေးတစ်နေ့ကို ရရှိပိုင်ဆိုင်လိုက်တယ်ဆိုတာ …….နှလုံးသားက နားလည်လက်ခံမပေးခဲ့ရင် ……..

အဲဒီနေ့က တို့နှစ်ယောက်ရဲ့ နားလည်ယုံကြည်ခြင်းတွေဟာ ဒီနေ့မှာ အိမ်မက်တစ်ပုဒ် ဖြစ်ခဲ့မယ်ဆိုတာကြိုသိခဲ့ရင်……..

ဒီနေ့ ဖြစ်ချင်မှုထက် ဖြစ်သင့်မှုကို ဦးစားပေးလျှောက်လှမ်းရတဲ့ ကိုယ့်ရဲ့ ဘ၀ခရီးလမ်းမှာ ရင်နာစွာ ချနင်းခဲ့ရတဲ့ သူ့နှလုံးသားလေးကို ခုလိုမတော် တဆခလုတ်တိုက်မိခဲ့မှာ မဟုတ်ပါဘူး…သူရယ်..။


အခြေအနေမပေးတဲ့ ချစ်သူနှစ်ဦးရဲ့ ခံစားချက်များကို မျှဝေခံစားရေးဖွဲ့သည်..။