အချစ်ဆိုသည်မှာ...

အချစ်ဆိုသည်မှာတဲ့ ဒီခေါင်းစဉ်လေးကို ဘလော့တိုင်းမှာ တွေ့နေရ ဖတ်ရပါတယ်..။ ဒီခေါင်းစဉ်လေးကို စိတ်ဝင်စားမိတယ် ဖတ်လည်းဖတ်ဖြစ်တယ်..။ လူတိုင်းရဲ့ အချစ်အပေါ်မြင်တဲ့အမြင် ၊ ခံစားမှု အားလုံးကို စိတ်ဝင်စားစွာဖတ်ဖြစ်တယ်..။ အားလုံးရဲ့ အချစ်ဆိုသည်မှာ အမြင် ၊ ခံစားမှုတွေဟာ တစ်ထပ်တည်းမကျသလို တိကျစွာလည်း အဖြေမထွက်ဘူး..။ အားလုံးဟာလည်း အချစ်အတွက်ကြောင့် ခံစားမှုပေါင်းများစွာနဲ့ ဖြတ်သန်းနေကြရတယ်..။ ကျမလည်း အချစ်ဆိုတာကို တော်တော်ကိုစိတ်ဝင်စားမိတယ်..။ ဘာကြောင့် အချစ်ဆိုတဲ့ အရာလေးက လူတွေအားလုံးကို ချုပ်ကိုင်နိုင်ရတာလဲ.....?

လူတွေရဲ့စိတ်တွေဟာ ဒီအချစ်ဆိုတဲ့ အရာကြောင့် နူးညံ့သွားကြသလို ၊ ခက်ထန်မာကြောလာတာတွေလည်း ရှိကြတယ်...။ ဒီအချစ်ကြောင့်ငိုကြွေးပူဆွေးရသလို ၊ ပျော်ရွှင်ကြည်နူးရတာတွေလည်းရှိတယ်..။ အချစ်ကြောင့် စိတ်ပူပန်ရသလို စိတ်အေးချမ်းသာရတာလည်းရှိတယ်...။ စိတ်အေးချမ်းသာမှုပေးတဲ့အချစ်ကတော့ မေတ္တာ ပါရောနှောနေမယ်ထင်တယ်..။ အချစ်ဆိုတာ ပူလောင်တဲ့မီးတောက်ငယ်တစ်ခုလို့ ဆိုထားသလိုပဲ ပူပြင်းတဲ့ ခံစားမှုတစ်ခုပါ..။ ဘာကြောင့်ပူလောင်လဲ? အတ္တ ဆိုတဲ့ လူတွေရဲ့အတ္တ ပြင်းထန်ရင် ပြင်းထန်သလို ပိုပြီးတော့ ပူလောင်ကြတယ်..။


အမှန်တစ်ကယ်တော့ အချစ်ဆိုတာ ဖန်တီးယူလို့မရတဲ့ အလိုအလျောက်ဖြစ်ပေါ်လာတဲ့ ခံစားမှုတစ်ခု...။ ဒီခံစားမှုကို လူတွေရဲ့ အတ္တအရောင်တွေ၊ မာနအရောင်တွေ၊ သောကအရောင်တွေ ၊လောဘ မောဟ အရောင်တွေ ဖုံးလွှမ်းမှုတွေကြောင့် အချစ်ဆိုတာ အရောင်ပြောင်းသွားကြတယ်..။ ကိုယ်က အေးမြတဲ့အချစ် မေတ္တတရားပေါင်းစပ်အခြေခံပြီး အချစ်ကိုမြတ်နိုးတန်ဖိုးထားပေမယ့် အဲဒီ တန်ဖိုးထားမှု အလေးထားမှုကို အခွင့်ကောင်းယူပြီး လှည့်စားတတ်ကြတဲ့ လူတွေရဲ့ စိတ်ကြောင့် အချစ်ဆိုတာ ကြောက်စရာ အရာ တစ်ခုဖြစ်မှန်းမသိဖြစ်လာတယ်..။ မေတ္တာတရားမှာ အသွားအပြန်အလျားအနံဆိုတာ ရှိပေမယ့်..အချစ်မှာတော့ အသွားအပြန်မရှိပဲ တစ်လမ်းသွား (သို့) လုံးဝမရှိတာမျိုးလည်း ဖြစ်တတ်တယ်...။ အချစ်ရဲ့ ဆန်းကြယ်မှုဟာ ဘယ်အရာနဲ့မှ နှိုင်းယှဉ်လို့မရဘူး..။ အချစ်ရဲ့ အဓိပ္ပာယ်ကတော့ တိကျစွာ မရှိတာအမှန်ပဲ။


ဒီလို တိကျစွာ အဖြေမရှိတဲ့ အချစ်ကို ကျမ ချစ်ခဲ့မိတယ်...။ ချစ်သူနဲ့ချစ်လျှက်နဲ့ မပေါင်းဆုံရတဲ့ ဒုက္ခကလည်း ချစ်ခြင်းကြောင့်ဖြစ်ပေါ်လာတာလား? ..။ဒါမှမဟုတ် ချစ်သူကိုချစ်လျှက်နဲ့ စွန့်လွှတ်လိုက်ရတာ ကျမ ညံ့ဖျင်းမှုလား...?။ ချစ်သူအလိုကျ ချစ်သူစိတ်မဆင်းရဲလိုစေခြင်း ၊ ပူဆွေးသောကရောက်နေခြင်းကို မကြည့်ရက် ခြင်း ၊ ချစ်သူစိတ်ပင်ပန်းဆင်းရဲခြင်းကို မမြင်လိုခြင်း ၊ ချစ်သူအပေါ်ကျရောက်နေတဲ့ ဒုက္ခအားလုံးကို မျှဝေခံစားလိုခြင်း၊ချစ်သူစိတ်နဲ့တစ်သားတည်းတစ်ထပ်ကျအောင်နေခဲ့ပြီး ချစ်သူလေသံကို နားထောင်ခြင်း ဖြင့် စိတ်ညစ်နေချိန်လား ပျော်ရွှင်နေချိန်လား ၊ ဘာအလိုမကျဖြစ်နေလဲဆိုတာပါ တွေးတောတတ်လာခြင်း ၊ ချစ်သူအလိုကျ အရာရာပေးဆပ်ဖို့အသင့်ဖြစ်နေပြီး ၊ မည်သည့်အကြောင်းနှင့်မျှ ချစ်သူကို အထင်မသေးတတ်ခြင်း၊အပြည့်အ၀နားလည်ပေးနိုင်ခြင်းစတဲ့ကိုယ့်အတ္တကိုထည့်မတွက် ချစ်သူအတွက်သာလျင် ကြည့်တတ်ခဲ့တဲ့ ကျမအချစ်ကရော...ဘယ်လိုအချစ်မျိုးပါလဲ...? ကျမ ပူလောင်ခဲ့ရတဲ့ အချိန်တွေများခဲ့ပါတယ်..။ ကျမကလွဲရင် တစ်ခြားတစ်ယောက်ကိုများ ပိုချစ်မိလေမလား ? ကျမကိုပစ်ခွာထားခဲ့လေမလား စတဲ့ အတွေးပေါင်းများစွာနဲ့ ရင်တွေပူလောင်ရင်း ကျမရဲ့ဘ၀လေး မငြိမ်းချမ်းခဲ့ဘူး..။ ငိုခဲ့ရတဲ့ မျက်ရည်တွေလည်း များလှပြီ..။ ကြိမ်ဖန်များစွာ နာကျင်ရလွန်းလို့ ရင်တွေလည်းနာလှပါပြီ...။ ပူလောင်ရလွန်းလို့ စိတ်တွေလည်း ပင်ပန်းလှပြီ...။ ဒါတွေက ချစ်သူကိုချစ်နေရချိန်မှာ ဖြစ်မိတဲ့ အတ္တကြောင့်ဖြစ်ပေါ်လာတဲ့ ရလဒ်တွေ..။ တစ်ကယ်တမ်းချစ်သူဒုက္ခဆင်းရဲရောက်ချိန်မှာ ကျမပေးနိုင်သမျှ မေတ္တာ ၊စေတနာ၊ ဂရုဏာ၊ မုဒိတာတွေကို ပေးဆပ်ရင်း ချစ်သူကိုအားပေးရင်း ချစ်နိုင်သလောက် ချစ်ခဲ့မိတယ်...။ မချစ်လို့မဟုတ်ပါပဲ အကြောင်းအမျိုးမျိုး ကြောင့်ခွဲခွာသွားကြရတဲ့ ချစ်သူတွေရှိကြပေမယ့် ကိုယ့်အဖြစ်က ဒီလိုကြုံတွေ့ရမယ်လို့လည်း မမျှော်လင့်ခဲ့မိဘူး။ တစ်ကယ်တမ်းကြုံတွေ့ရချိန်မှာ အရမ်းကိုတုန်လှုပ်ခဲ့မိတယ်..။ ချစ်သူကိုစွန့်လွှတ်ရတော့ မှာပါလားဆိုတဲ့အသိက ရင်တစ်ခုလုံးကို ဗြောင်းဆန်စေခဲ့တယ်...။ မငိုပါပဲကျတဲ့ မျက်ရည်တွေဟာလည်း မခမ်းခြောက်နိုင်တော့လောက်အောင်ကို ကျဆင်းနေခဲ့တယ်..။ ဆောက်တည်ရာမရ ဘ၀တစ်ခုလုံး ပျက်သုန်းမလားမှတ်ထင်ရလောက်အောင် နှလုံးသားတွေ ပျက်ကြွေခဲ့တယ်...။ ပျက်ယွင်းသွားတဲ့ အခြေအနေကို မနည်းအားယူတည့်မတ်ရင်း ချစ်သူကို အားပေးဖို့ အင်အားတွေမွေးမြူခဲ့တယ်..။ ချစ်သူကို ချစ်ခွင့်ရချိန်ထိတိုင် အောင် ဆက်ချစ်သွားဖို့...ဆုံးဖြတ်မိတယ်...။ ချစ်သူကိုပိုင်ဆိုင်ချင်တဲ့စိတ် ၊ စွန့်လွှတ်ရမယ့်စိတ် ဒီစိတ်နှစ်ခုနဲ့ ဆက်လက်ရပ်တည်နေရတဲ့ ကျမ ဒီစိတ်နှစ်ခုက ဖြစ်ပေါ်လာတဲ့ ကောင်းဆိုး ခံစားမှု ၊ ၀မ်းနည်းပူဆွေးမှု အားလုံး ကိုကြံ့ကြံ့ခံရင်း ရှင်သန်နေတဲ့ကျမ ချစ်သူနဲ့ပေါင်းဆုံရပါစေလို့ တိတ်တစ်ဆိတ်မျှော်လင့်ချက်မဲ့စွာ မျှော်လင့်နေမိတာလည်း ကျမရဲ့ အချစ်ဆိုသည်မှာပါ......။

Print this post (စာထုတ်ယူရန်)

by is licensed under a Creative Commons Attribution 3.0 United States License.